Menú
A Casa da Cultura acolle este sábado, 6 de maio, ás 12:00 horas, a presentación do libro “As feridas dun amor efémero» de Sue Camaño. A filóloga e profesora foi galardoada na edición do XLVIII Premio do Certame Literario do Concello de Vilalba.
Neste poemario, Sue Camaño aborda as obras e mitos clásicos que inspiraron os seus versos, así como os temas máis presentes na historia da literatura como o amor e o desamor, a morte, o paso do tempo ou a angustia existencial.
A obra está publicada pola editora Alvarellos con ilustracións de Diego Estebo.
O xurado do Certame Literario formado por Darío Villanueva, membro da Real Academia Española, Ramón Villares, catedrático de Historia, Xulio Xiz, xornalista, e Fidel Fernán, director do grupo de Radio Principal, elixiu o poemario desta escritora novel como a máis destacada da última edición na que se presentaron máis de 90 obras.
Ademais do premio en metálico de 7.000 euros, estes galardóns inclúen como premio a publicación do poemario.
Concello de Vilalba
Plaza da Constitucion 1
27800 Vilalba – Lugo
Oficinas Xerais tlf. 982 510 305
