Menu
O Concello de Vilalba investirá un total de 378.245,81€ nas parroquias nos próximos tres meses. Así o anunciou o Vicealcalde e responsable de Infraestruturas Rurais Modesto Renda nunha rolda de prensa convocada coincidindo co remate das festas de San Ramón e Santa María.
A inversión, procedente na súa totalidade de fondos propios do Concello, permitirá acometer a necesaria renovación e mellora de ata 24 viais de titularidade municipal e as primeiras 14 parroquias beneficiadas serán as de Vilapedre, Corvelle, Samarugo, Distriz, Sancovade, Román, Goiriz, Lanzós, San Simón, Torre, Soexo, Insua, Oleiros e Xoibán.
Ademais, e tal e como explicou Renda, a suma deste “importantísimo investimento” e a do Plan de Camiños que dende a Área de Infraestruturas veñen de adxudicar, suporá un investimento neto de máis de medio millón de euros (520.104€) no que resta de 2023 para o rural.
“Dixémolo e farémolo: O noso obxectivo é facer xustiza coas parroquias en materia de investimentos e isto só é o comezo”, declarou.
Concello de Vilalba
Plaza da Constitucion 1
27800 Vilalba – Lugo
Oficinas Xerais tlf. 982 510 305
