Menu
O Concello de Vilalba sacou a licitación as obras para ampliar a rede municipal de abastecemento de auga potable a diferentes núcleos da parroquia de Santaballa. O orzamento dos traballos é de 161.268 euros.
O entronque á rede xeral municipal de abastecemento de auga se realizará no barrio de O Castro e o barrio de Tufiade. A ampliación da rede realizarase tamén nos barrios de O Outeiro; Folgueira, Gunxar e O Apaxo; Vilasuso; O Castro; Carballido e Casela.
Esta actuación permitirá que o abastecemento de auga potable aos diferentes barrios e núcleos se realice desde a rede xeral municipal, mellorando desta maneira a calidade e control da auga utilizada polos veciños.
Será un proxecto con 95 entronques con cargo ao Fondo de Compensación Ambiental da Xunta. Beneficiará tamén á cooperativa de Santaballa.
“Damos continuidade con estas obras á mellora continua dos servizos e infraestruturas na parroquia, como vimos facendo desde o verán de 2019”, asegura Luis Fernández, concelleiro de Infraestruturas de Vilalba.
O trazado da nova rede e os seus ramales seguirá camiños existentes e interferirá en determinados accesos a vivendas, motivo polo que se acometerá a renovación de todos os viais afectados.
Concello de Vilalba
Plaza da Constitucion 1
27800 Vilalba – Lugo
Oficinas Xerais tlf. 982 510 305
